ठाणे : जिल्हा क्रीडा परिषद आणि जिल्हा क्रीडा अधिकारी यांच्या संयुक्त विद्यमाने सांगली येथे नुकत्याच जिम्नॅस्टिक क्रीडा स्पर्धा पार पडल्या. ठाणे पूर्व परिसरात राहणाऱ्या यश अजित शिंदे याने त्यात चमकदार कामगिरी केली असून, त्याची राष्ट्रीय स्पर्धेत निवड झाली आहे.
यश ज्ञानसाधना महाविद्यालयात बारावीत शिकतो. त्याने १९ वर्षांखालील गटात जिम्नॅस्टिक स्पर्धेत सांघिक प्रकारात सुवर्णपदक, तर ‘करिअर एक्सरसाइज’मध्ये रौप्यपदकाची कमाई केली.
‘ऑल राउंड’मध्ये त्याचा पाचवा क्रमांक लागला आहे. त्यामुळे त्रिपुरा येथे डिसेंबर २०१८मध्ये होणाऱ्या राष्ट्रीय जिम्नॅस्टिक स्पर्धेसाठी त्याची निवड झाली आहे. त्यामुळे परिसरात त्याचे कौतुक होत आहे.